Friday 14 December 2012

Ганц тамхи асаад унтрахын зуурт...



Ганц тамхи асаад унтрахын зуурт
Амьдрал ярьж болно
Эрээ цээргүй дурсамжын хаалгыг түрхэн сөхөж
Эрвээхэйн далавчны толбо шиг
Хацар ягаарахын зуур
Өнгөрсөн болоод өөрийгөө
Өврийг чинь ч бас санаж болно.
Ганц тамхи асаад унтрахын зуурт
Чамд дурлаж болно
Мартах л гэж байсан төрхөнд чинь
Маргаашгүй учралыг эхлүүлж
Чамд би дахин дурлаж болно
Магадгүй чи намайг үнсэж ч болно.
Ганц тамхи асаад унтрахын зуурт
Гараас минь хөтлөөд алхаж болно
Гинжний минь түгжээг мулталж
Гэзэгнээс минь дурсамжын салхи сэвэлзүүлж болно.
Ганц тамхи асаад унтрахын зуурт
Гагц би чамайг хайрлаж л чадахгүй
Үхэж л амрах энэ амьдралд
Үүрд чамтай гэж амлаж чадахгүй.

Sunday 9 December 2012

Хүүхэд бол хувь хүн



ХҮҮХЭД ГЭЖ ХЭН БЭ?

Хүүхэд бол хомосапиенс төрлийн төлөөлөгч, энэ бол эрэгтэй эмэгтэй хүүхэд буюу хүүхэд. Энэ бол ХУВЬ ХҮН.

ЭРХ ГЭЖ ЮУ ВЭ?

Энэ бол таньд заяагдсан буюу зөвшөөрөгдсөн боломж. Хууль зүйн утгаар нь авч үзвэл баталгаатай эрх чөлөө юм.

ХҮНИЙ ЭРХ ГЭЖ ЮУ ВЭ?

Та зүгээр л хүн учраас таньд байх ётой бүх эрхүүд юм.

Хүн бүрт заяагдсан жам ёсны болоод хуулинд заагдсан эрхүүд зөрчигдөх тохиолдол манай улсад нилээдгүй бий. Хамгийн ихээр гэр бүлийн хүчирхийлэлд өртөж байдаг хэсэг бол яах аргагүй эмэгтэйчүүд, хүүхдүүд. Тэр тусмаа ХҮҮХДҮҮД энэ хэргийн гол хохирогч болж байдаг. Хаана, хэнд хандахаа мэдэхгүй, эрх зүйн боловсрол дутмагаас болж олон зуу, бүр олон мянган хүүхдүүд өнөөдөр гэр бүлийн хүчирхийлэлд өртөн, гэр бүлийн орчинд өөрийн эрх болоод ашиг сонирхолоо зөрчүүлсээр яваа гэдгийг хэлмээр байна. 

Өнгөрөгч долоо хоногт 7-хон настай хүүг 300 төгрөг зөвшөөрөлгүй авсных нь төлөө сэхээнд ортол нь зодсон аймшигт хэрэг гарлаа. Жишим ч үгүй телевизэд ярилцлага өгч байгаа хойд эцэг нь хийсэн хэргийнхээ хариуцлагыг хүлээсэнгүй. Хүүгийн эрхийг хамгаалчих хүний эрхийн хууль ч Монголд байдаггүй бололтой. Уг нь манайд ГЭР БҮЛИЙН ТУХАЙ ХУУЛЬ гэж "сайхан" нэртэй, "сайхан" заалттай хууль бий. Тус хуулийн 5 дугаар бүлгийн 25, 26, 27 дугаар зүйлүүдийг харахад л хөөрхий хүүг эцэг эхэд нь асруулах ямар ч хуулийн үндэслэлгүй болно. Ядахнаа хүн ёсноос хандсан ч энэ хүүг би харж байгаад "ээж" "аав" гэсэн эрхэм нэрийг зүүх эрхгүй тэр адгийн амьтадад өгмөөргүй байгаа юм. 


"Монгол улсын ГЭР БҮЛИЙН ТУХАЙ ХУУЛЬ-ийн:


25.1.Хүүхэд гэр бүлийн дотор тэгш эрх эдэлнэ.

25.2.Гэрлэлтээ бүртгүүлээгүй эцэг, эхээс төрсөн болон гэрлэгчдийн хэн нэгний нь дагавар хүүхдийг ялгаварлан гадуурхаж, эрх, ашиг сонирхлыг нь хохироохыг хориглоно.

25.3.Эцэг, эх, асран хамгаалагч, харгалзан дэмжигч нь хүүхдийн эрх, ашиг сонирхлыг хамгаална.

25.4.Эцэг, эх, асран хамгаалагч, харгалзан дэмжигчийн болон хүүхдийн ашиг сонирхол хоорондоо зөрчилдөж байгаа нь тогтоогдсон бол сум, дүүргийн Засаг дарга хүүхдийн эрх, ашиг сонирхлыг хамгаалах төлөөлөгчийг томилж болно.

25.9.Сум, дүүргийн Засаг дарга нь хүнд нөхцөлд байгаа хүүхдийг илрүүлж, бүртгэл хөтлөн, түүнийг гэр бүлдээ авч асран хүмүүжүүлэхээр хүсэлт гаргасан иргэнд шилжүүлж болно.
25.10.Хүүхдийг энэ хуулийн 25.9-д заасны дагуу шилжүүлэх боломжгүй бол сум, дүүргийн Засаг дарга нь асран хамгаалагч, харгалзан дэмжигч тогтоолгох, үрчлүүлэх, хүүхэд асран хүмүүжүүлэх байгууллагад шилжүүлэх асуудлыг шийдвэрлэнэ." гэсэн заалтууд бий. Энэ тохиолдолд Э хүү гэр бүлийн орчинд өөрийн эрхээ ноцтойгоор зөрчүүлсэн байгаа юм. Хүссэн нь хүний эрх хэмээн хоолойгоо шахан орилох боловч бодитойгоор хүний эрхийн асуудалд хувь нэмрээ оруулж байгаа нь нэг ч үгүй. Ядахнаа энэ хэргийг хараад сайн дураараа өмгөөлөх өмгөөлөгч, энэ хүүгийн эрхийн төлөө дуу хоолойгоо чангаар хүргэж чадах нэг ч хүний эрхийн хуульч байсангүй. 
Мөн тус хуулийн 26 дугаар зүйлийн гуравт "Эцэг, эх нь хүүхдийн эрүүл мэнд, сэтгэхүй, ёс суртахууны хүмүүжилд хохирол учруулах, ХҮҮХЭДДЭЭ ХЭРЦГИЙ ХАНДАХ, эцэг, эх байх эрхээ зүй бусаар ашиглахыг хориглоно." хэмээн тусгажээ. Хэрэв энэ заалтыг зөрчсөн тохиолдолд тус хуулийн 30.1-т заасны дагуу эцэг, эх байх эрхээ хасуулах юм. Гэхдээ эцэг, эх байх эрхээ хязгаарлуулсан болоод хасуулсан нь эцэг, эх байх үүргээс чөлөөлөгдөх үндэслэл болохгүй. Тэгвэл тус хуулийн 30.2-т "Эцэг, эх байх эрх хасуулах тухай нэхэмжлэлийг эцэг буюу эх нь, эсхүл асран хамгаалагч, харгалзан дэмжигч болон бусад иргэн, хүүхдийн эрх, ашиг сонирхлыг хамгаалах байгууллага тухайн эцэг, эхийн оршин суугаа газрын шүүхэд гаргах эрхтэй." хэмээн заажээ. Биеэ хамгаалах чадваргүй, хүүхдийн биед санаатайгаар гэмтэл учруулсан, тэр тусмаа хойд эцэг нь гэмтэл учруулж, төрсөн эх нь хүртэл энэ хэргийг таслан зогсоох боломжтой атал харж байгаад хүүгээ сэхээнд оруулжээ. Хүссэн иргэн харъяа прокурорт гомдол гаргаад энэ хүүгийн эрхийг хуулиар хамгаалуулах эрхтэй. Гэвч бодит амьдрал дээр хүний эрхийг хангах, хамгаалах эрх зүйн орчин манайд тийм ч нээлттэй биш. 


Энэ дан ганц Э хүүгийн бус Монголын бүх хүүхдүүдийн эрхийн тухай асуудал гэж би харж байгаа. Би ч, та ч адилхан хүүхдүүд байлаа. Хүүхэд насны гэнэхэн дэггүйтлээр ээж ааваасаа "таван салаа боов" авч үзээгүй хүн байдаггүй л байх. Гэвч энэ тийм зөв зүйл үү? Хүн тархиараа бодож, сэтгэдэг болохоос мах, цусаараа биш шүү дээ. Би ч, та ч хүүхэдтэй, хүүхэд байсан, хөөрхөн дүү нартай. Э хүү тэдний л нэг. Адилхан л өвдөж зовдог, адилхан баярлаж хөөрдөг. Түүний нүдэнд аз жаргал гэрэлтэж, түүний нүүрэнд инээмсэглэл тодорч байх ёстой. Сэтгэл амгалан дулаан гэртээ ээжийн гарын хоол идэж, аавдаа эрхлэн өсөж торних ёстой бяцхан хүүгийн ирээдүй болоод одоогийн амьдрал нь тийм ч баталгаатай бус. Энэ мэтээр хойд эцэг нь дахин түүний биед гэмтэл учруулж, хажуугаас нь төрсөн эх нь дамнан зодохыг үгүйсгэмгүй байна. Би өөрийнхөө төлөө, дүү нарынхаа төлөө, Монголын бүх үрсийн төлөө бичсээр, ярьсаар байх болно. Хүүхдийн эрх хангагдах хүртэл...







Thursday 22 November 2012

Twitter's new year party 2012-2013


Монголын твиттер ашиглагчид өдрөөс өдөрт хүрээгээ тэлсээр байна. Албан бус судлагаагаар твиттерт 30000 орчим Монгол хэрэглэгч байна. Тиймээс бид Монголынхоо жиргээчдийн үйл ажиллагааг идэвхжүүлж, дэмжих, харилцан танилцуулах зорилгоор энэхүү шинэ жилийн цэнгүүнийг зохиох гэж байна. Тухайн арга хэмжээ нь ёслолын бөгөөд хүлээн авалтын хэлбэрээр явагдана. 

Тус шинэ жилийн цэнгүүний тухайд:

- Тус цэнгүүнд 150-180 орчим твиттер хэрэглэгчид ирэх боломжтой.
- Хүлээн авалтанд дуучин Чинболор, дуучин Дэрмээ, Дуучин Мийгаа \Guys 666 хамтлаг\, Sweety Motion хамтлаг, дуучин Гантулга, Хийлч Байгаль болон шинэ залуу амьд хөгжмийн хамтлаг ирж ая дуугаа өргөх юм.
- Хүлээн авалтыг TV Cocktail хамтлагийн жүжигчин Цолмонбаяр хөтлөнө.
- Худалдан авсан ТАХ бүрийг G-Mobile-ийн 1 Гб-ын интернетийн дата эрх дагалдах төдийгүй ТАХ бүр сугалаатай.
-Жиргээч Төмөрчулуун ахын нэрэмжит МАХА-ийн сугалаа болон Flicker-чидийн нэрэмжит сугалаатай Ккк
- Сугалааны хонжворыг G-Mobile компани ивээн тэтгэж 3 азтан шалгаруулах юм. Нэг азтан G-Mobile-ын шинэ дугаар, интернетийн дата эрхээр шагнуулна. Мөн Zеbra International компани өөрийн оруулж ирж буй Корона, Корона экстра, Стелла шар айраг нэг авдрыг сугалааны азтан бүрт өгөх болно. Мөн жиргээч @bayan_08 хувийн зүгээс сугалааны хонжворыг ивээн тэтгэж 3 азтандаа 2 боть Британника толь бичиг \Монголын тухай\, фитнесст 50 хувь хөнгөлөлттэй явах эрх олгохоор боллоо.
- Шинэ жилийн цэнгүүнд ирснээр та зохион байгуулсан хөгжөөнт тоглоом, тэмцээнүүдэд оролцох, тодорхой номинацид нэр дэвших боломжтой.
- 2012 оны турш Монголын твиттер ашиглагч залуус ямар ямар нийгэмд хандсан ажлууд хийж, шинэ зүйл санаачилсан талаар богино хэмжээний зурган мэдээ сонирхох боломжтой.
- Шинэ жилийн цэнгүүнд маань өвлийн өвгөн, цасан охин ирж та бидний шинэ жилд дулаан уур амьсгал нэмэх ба Алтан сарнай бүжгийн хамтлаг зочлох юм. 
- Хэвлэл мэдээлэл дээр Uptown сэтгүүл хамтран ажиллаж, G-Mobile, APU компани Алтан говь брендээрээ ивээн тэтгэж байгаа төдийгүй Тод өнгө хэвлэлийн компани, Худалдаа аж үйлдвэрийн тэнхим хамтран ажиллаж байна. 


Шинэ жилийн цэнгүүний тасалбар


Меню:

- Хоёр хоёрдугаар хоол \ Үхрийн жигнэсэн мах, Гахайн шарсан нуруу, Цезарь салат, талх\
- Алтан говь шар айраг
- Цэвэр ус, фрутта жүүс
- Жимсний цуглуулга
- Шампанск, Вино \Нэг ширээнд\
- Соёмбо, Хар сувд архи \Нэг ширээнд\ зэрэг бүтээгдэхүүнүүд багтсан ба арга хэмжээний үеэр виски, ундаа худалдаалагдах болно.

ТАХ-ны тоо хязгаартай тул твиттер хэрэглэгч та бүхнийг 2012.12.15-аас өмнө худалдан авахыг хүсье. Дэлгэрэнгүй мэдээлэл авах болон ТАХ худалдан авахыг хүсвэл 95800560, 88051385 утсаар холбогдон авах боломжтой. 

Жиргээч та бүхнийг ирж буй оноо амжилт бүтээлээр дүүрэн угтаж, хамтдаа алдаа оноогоо цэгнэн, нэгэн үдшийг хөгжилтэй өнгөрөөхийг урьж байна! 

Santa and I know it \parody of Sexy and I know it\ ;-)


Welcome to the Twitter's New Year Party! 




Sunday 11 November 2012

Би бодоод л байна...

Чамайг би үүл шиг гэж бодоод л
Нүүгээд явчихсан ч дахиад бөөгнөрнө гэж бодоод
Нэг ч өдөр нар битгий гарчихаасай гэсэндээ
Харц минь харанхуй, бүүдгэр тэнгэрт дурладгийм... 

Tuesday 6 November 2012

ТАРХИНЫ СААЖИЛТ, ДАУНЫ СИНДРОМТОЙ ХҮҮХДҮҮДЭД ТУСЛАХ, ХҮҮХЭД ХАМГААЛЛЫН ТӨВИЙГ НОМЫН САНТАЙ БОЛГОХ ХАНДИВЫН АРГА ХЭМЖЭЭНИЙ ТАЙЛАН

Сар гаруйхны өмнө твитерчид нэгдэж тархины саажилттай болон дауны синдромтой хүүхдүүдэд туслахаар нэгэн аяныг эхлүүлсэн билээ. Тус аяны эхний ажил нь хоёр зорилго чиглэлтэй байсан ба нэгт тархины саажилттай дауны синдромтой хүүхдүүдийн цэцэрлэг яслийн 10-р цогцолборын нэг бүлгийн 3 өрөөг сонгож тохижуулах, хоёрт Хүүхэд хамгааллын төвд номын сан байгуулж өгөх юм. Ийнхүү бид Хаан банкинд хандивын данс нээж дансанд нийт  4199333 төгрөг цугларсан юм. Мөн түүнчлэн бид 2012.09.13-ны өдөр "Си энд Си" ресторанд хандив цуглуулах хүлээн авалт хийсэн. Тус хүлээн авалтанд 160 орчим хүн ирсэн ба түүнээс 42 хүн мөнгөн хандив өргөж нийт 4 915 000 төгрөг цугларсан юм. 


ТАРХИНЫ СААЖИЛТ, ДАУНЫ СИНДРОМТОЙ ХҮҮХДҮҮДЭД ТУСЛАХ,                            ХҮҮХЭД ХАМГААЛЛЫН ТӨВИЙГ НОМЫН САНТАЙ БОЛГОХ                              ХАНДИВЫН АРГА ХЭМЖЭЭНИЙ ТАЙЛАН

Гүйлгээний утга
Дүн
Зардал
Орлого
1
Хандивын дансанд

          4 191 333,00 
2
Бэлнээр цугларсан

          4 915 000,00 
3
Арга хэмжээний зардалд төлсөн.
                2 800 000,00 

4
Тархины саажилт, дауны синдромтой хүүхдүүдийн 10-р төвд хөрөнгө хандивлав.
                5 079 000,00 

5
Хүүхэд хамгааллын төвд хөрөнгө  хандивлав.
                1 230 000,00 


ДҮН
                9 109 000,00 
          9 106 333,00 

Эд хөрөнгийн жагсаалт
Хэмжих нэгж
Тоо ширхэг
Нэгж үнэ
Нийт үнэ
Цугларсан хандив  бэлэн мөнгөөр авсан хөрөнгө
1
Багшийн ширээ, шкаф 4 хос
ком
1
       1 400 000,00 
      1 400 000,00 
2
Хөшиг хос
м
30
            30 000,00 
         900 000,00 
3
Гэрлийн бүрхүүл
ш
6
            60 000,00 
         360 000,00 
4
Хивсэнцэр
ш
1
          300 000,00 
         300 000,00 
5
Хулдаас
м
20
            22 000,00 
         440 000,00 
6
Цэр ховхлогч аппарат
ш
1
          350 000,00 
         350 000,00 
7
Сандал
ш
3
            30 000,00 
           90 000,00 
8
Зөөлөвч дэвсгэр
ком
6
            35 000,00 
         210 000,00 
9
Зөөлөн тоглоом
ком
1
            50 000,00 
           50 000,00 
10
Хөгжим
ш
1
            25 000,00 
           25 000,00 
11
Угсардаг тоглоом
ш
8
            18 000,00 
         144 000,00 
12
Гарын булчин сайжруулах тоглоом
ш
18
            25 000,00 
         450 000,00 
13
Хүүхдийн тоглоомын тавиур
ш
2
          180 000,00 
         360 000,00 
Дүн
      5 079 000,00 

Хандивын хөрөнгө
14
ЛСД
ш
1
          450 000,00 
         450 000,00 
15
ДВД тоглуулагч
ш
1
          120 000,00 
         120 000,00 
Дүн
         570 000,00 
НИЙТ ДҮН
5 649 000,00
Үүнээс: Тархины саажилт дауны синдромтой хүүхдүүдийн 10-р төвд дараах байдлаар хөрөнгө хандивласнаас гадна дотоод засвар үйлчилгээ хийж өгсөн болно.
Хүүхэд хамгааллын төвд:
Эд хөрөнгийн жагсаалт
Хэмжих нэгж
Тоо ширхэг
Нэгж үнэ
Нийт үнэ
Цугларсан хандив  бэлэн мөнгөөр авсан хөрөнгө
1
Багшийн ширээ, шкаф 3 хос
ком
1
       1 200 000,00 
      1 200 000,00 
7
Сандал
ш
1
            30 000,00 
           30 000,00 
Дүн
      1 230 000,00 

Засварын ажилд шаардлагатай зарим материалыг нэгэн жиргээч маань хувиасаа хандивласан бөгөөд засварын ажил маань энэ нэг дэх өдөр дууссан. Тун удахгүй тайлан нэвтрүүлэг хийж хүргэх ба шаардлагатай гэх хандивт цугларсан дансны хуулга болон тус хүлээн аватаар ирсэн зочдын бүртгэлийн хуудас болоод худалдаж авсан эд зүйлийн падааныг блог дээрээ оруулах болно. Сэтгэлээсээ дэмжиж тусласан бүх жиргээчиддээ баярласнаа илэрхийлье. Мөн хүлээн авалтаар ирж ая дуугаа өргөсөн Эмөүшн хамтлаг, жазз дуучин Наагий болон "жиргээч", дуучин Билгүүн нарт баярлалаа. Хэвлэл мэдээлэл дээр хамтарч ажилласан Шонхор ТВ, Стар ТВ, UBS ТВ, Аптаун сэтгүүл, Гоодаль сэтгүүл, www.mongolchamber.mn, www.gogo.mn, www.time.mn, www.montsame.mn саятын хамт олонд баярлалаа! Энэхүү аяныг дэмжиж тус цэцэрлэгийн бүтэн жилийн өглөөний цайг даахаар болсон Өгөөж ХХК-ийн захирал Түмэнгэрэл ахдаа ч баярласнаа илэрхийлье! Гар нийлж, хамтарч зохион байгуулсан Хэрлэнзаяа, Золзаяа хоёртоо ч маш их баярлалаа! Та бүхний хийсэн сайн үйлс хэзээ нэг өдөр хариу нь ирэх болно. Таны өргөсөн хандиваар олон хүүхдүүд инээмсэглэж, олон аав ээжийн сэтгэл тэнийж, олон өнчин асрамжын дүү нар маань оюунаа цэнэглэх номын сантай болсон нь хамгийн сайхан хэрэг.

Хамгийн боломжит байдлаар бид хандивын ажлынхаа үр дүнг гаргах гэж хичээснийг маань хүлээн аваарай. Сайн үйлс дэлгэрэх болтугай!